Теге “глава”ны хөкем иттеләр. Ришвәт алуда гаепләнүчене. Тиз тоттылар үзе – сәбәпләре бардыр. “Утыртмаячаклар аны”, - диючеләр хаклы булды – “9 ел” дип сөйләнсәләр дә утыртып ук куймадылар. Карт ата-анасын, яшь балаларын карарга кеше калмау белән аңлаттылар утыртмауны. Сразы күз алдына өсләренә ямаулы бишмәт, иске күлмәк, төсе уңган яулык кигән, ач йөзле әби белән бабай, күтләренә кияргә ыштаны булмаган, ялан тәпиле балалар килеп басты... Чынлап та – андыйларны ничек караучысыз калдырасың инде?! Бер карасаң – гөнаһы да артык түгел бит инде – ул бит дәүләт милегенә дә, инвестор милегенә дә кул сузмаган. Менә әгәр фермадан ике капчык фураң яисә яшь бозау “чәлдергән” булса, анда бәлки утырткан да булырлар иде. Ә монда гап-гади ришвәт алган. 5 кенә миллион. Унны алырга тиеш булган имеш – өлгермәгән. Утыртмасалар да – нык булды җәзасы. 300 миллион (8 ноль була) штраф салдылар үзенә, “бүтән җитәкче урында булма”,- дип кисәттеләр үзен.

Шушы көннәрдә Мөнир Рахмаевка никах укыганнар!
Егет үзенең бердән-берен очраткан, хәзер мәхәббәттән исереп, бәхеткә төренеп гаилә башлыгы булып яшәп ята, үзен чын-чынлап бәхетле кеше, ди. Мөнирнең тормыш иптәше Әдилә - Татарстан һәм Россиянең халык артисты Венера Ганиева шәкерте икән.  Яшь кәләш - Мәдәният һәм сәнгать университетының икенче курс студенткасы икән. Мөнир Әдиләдән дүрт яшькә зуррак. Яшь талантларны киләчәктә бергә сәхнәдә дә күреп булыр, чөнки Әдилә дә җырчы карьерасын сайлаган. Ә менә туй белән яшьләр әллә ни ашыкмый. “Бу хакта планлаштырган юк әлегә. Һәр нәрсә үз вакыты белән килә. Иң мөһиме мин хәзер үлеп гашыйк һәм бик бәхетле”, - дип шатлыгын уртаклашты Мөнир. Ә Мөнир Рахмаевка гашыйк кызларга нишләргә дигән сорауга җырчы аптырабрак китте сыман. “Минем бәхетемә алар да сөенсен, алар да үз мәхәббәтләрен очратып бәхетле булсын. Артистның йөрәгендә тамашачысы өчен урын була аның. Мин алар өчен җырлаудан
туктамаячакмын!” – ди җырчы.

Җырчының олы улы туганда ук авыр синдром белән дөньяга килгән
Илназ Минвәлиевнең бик бай кеше икәнен күпләр белә - 30 яшьлек җырчы бердигән 3 ул үстерә. Ул аларны чын ир-атларча тәрбияли: спорт белән кызыксындыра, эшкә күнектерә, баянда уйнарга өйрәтә...
Җырчы редакциягә кунакка килгән иде. Без аның белән чәй артында утырып байтак серләштек. Шушы арада аның никадәр көчле шәхес икәнен аңларга җитештем. Даун синдромлы баланы тәрбияләү – үзе бер баһадирлык(!)

«Кәеф ничек?» биргән сорауларга психотерапевт Рамил Гарифуллин җавап бирә.
– Икътисад министрлыгы мәгълүматлары буенча җир йөзендәге һәр өченче кеше кредит түли. Кредитомания чирме, әллә кирәк булганнан гына килеп чыккан күренешме?
– Бу кемнең һәм нинди максат белән кредит алуыннан тора. Кешеләрне ике төргә бүләләр. Беренчесе – кредит алу чыннан да бик кирәк булган кешеләр. Алар яңа фатир алырга, туй үткәрергә яки машиналарын яхшыракка алыштырырга уйлаган аек акыллы кешеләр. Кредит алганчы алар айлык керемнәрен исәпләп, күпме түләп бара алачакларын ачыклыйлар. Шуннан соң гына банкка барып кредит рәсмиләштерәләр. Икенче төр кешеләр җавапсыз булулары белән аерылып тора. Алар кредитны түли алганда түлиләр, түли алмаганда – юк. Ни өчен кредитны түләмисез дигән сорауга алар акча юк, дип кенә җавап бирәләр. Алар өчен бу ышандыра торган дәлил булып тоела. Шулай итеп икенче төр кешеләр бурычка батканнарын сизми дә калалар.
– Психологлар соңгы вакытта кредитомания чире турында сөйлиләр. Аның симптомнары нинди?

15 гыйнварда Казанда коточкыч хәл булды. Пычак тоткан яшь егет дүрт кешелек компаниягә һөҗүм итә. Аның нәтиҗәсендә ике кеше урында ук һәлак була. Соңрак полиция участогындагы сорау алу вакытында яшьләргә һөҗүм иткән егет шул рәвешле элек йөргән кызы Екатеринадан үч алырга теләвен әйткән. Егетнең төп максаты – әлеге туташны үтерү булган. Ләкин Катя исән кала. Бу вакыйгадан соң ике япь-яшь егет белән кызны – Алия белән Булатны җирләргә туры килә.