15 гыйнварда Казанда коточкыч хәл булды. Пычак тоткан яшь егет дүрт кешелек компаниягә һөҗүм итә. Аның нәтиҗәсендә ике кеше урында ук һәлак була. Соңрак полиция участогындагы сорау алу вакытында яшьләргә һөҗүм иткән егет шул рәвешле элек йөргән кызы Екатеринадан үч алырга теләвен әйткән. Егетнең төп максаты – әлеге туташны үтерү булган. Ләкин Катя исән кала. Бу вакыйгадан соң ике япь-яшь егет белән кызны – Алия белән Булатны җирләргә туры килә.

Авыл халкы Яңа елны урамда каршылый
– Соңгы тапкыр аларга кунакка кергәч, сокланып туя алмадым, -дип елый-елый сөйли янгыннан үлгән күршеләре турында Гөлия апа. –Өйгә кергәч тә иремә алар турында илһамланып бер сәгать сөйләгәнмендер...
Чыннан да, 31 нче декабрь кичендә Сарман районы Шәрләрәмә авылында булган хәл бөтен республиканы тетрәндерде. Бу авылда Шайгардановлар йортына ут кабып, берничә минут эчендә гаилә юкка чыга: 29 яшьлек хатын, аның 2 нче сыйныфта укучы кызы һәм 10 көнлек сабые, абыйсы.
31 декабрь - пыр тузып яңа елга әзерләнә, көне буе салат ясый, кырын ятып телевизор карый торган көн. Шайгардановлар гаиләсе өчен генә бу көн котычкыч фаҗига – гаиләнең юкка чыккан көненә әверелә. Бу көнне 10 көн элек туган нарасыйны да күрермен дип яшь хатынның абыйсы да кайта. Яшь бала белән уйнап ыгы-зыгыда үтә көн. Кичке сәгать җиделәрдә Зилә белән ире – 31 яшьтәге Илгиз авыл кибетенә китә. Соңгы тапкыр Зиләне исән көе шушында күреп калалар да инде. Өйгә продуктлар алып кайтып бераз вакыт узгач йорт көлгә әйләнер дип кем уйласын?!

Шушы көннәрдә Татарстанны котычкыч яңалык тетрәндерде. Бер ай элек кенә “Ана даны” медаленә лаек булган Ләйсән Салихҗанованы җиденче баласын үтерүдә гаеплиләр.
Ноябрь аенда Арча үзәк хастаханәсенә Яңа Кенәр авылында яшәүче 36 яшьлек Ләйсән Салихҗанованы алып киләләр. Хатынның каны киткән була. Тәжрибәле табиблар эшнең нәрсәдә икәнен шундук аңлап ала – хатын күптән түгел бала тапкан. “Балагыз кая?” - дип сорагач хатын озак кына дәшми тора. Ләкин соңрак аңа барыбер барысын да сөйләп бирергә туры килә. Ул баласын чормага яшерүе турында әйтә. Хатын хастаханәдән өенә кайтып китә.

Күптән түгел генә бөтен Татарстанны шаккатырган вакыйга булды.  Түбән Камада яшәүче 27 яшьлек Венера, дүрт баласын ятим калдырып, асылынган.  Бауга менүнең сәбәбе - тормыштан тәмам тую, диләр.
Хәер, хатынның асылыну сәбәбе төгәл билгеле түгел. Әлеге фаразны аның күршеләре әйтә.
Венера еш кына тормыштан зарлана торган була. Әнисе белән мөнәсәбәтләре начараюга, шәхси тормышта килеп туган проблемаларга чыдый алмагандыр, диләр.  Теге дөньяга үзе белән бергә Венера карындагы баласын да алып китә. Хатын бишенче баласы белән йөкле дә булган икән.

Самарада яшәүче 23 яшьлек кызның үз ирен һәм кайнанасын үтерергә теләве турында МВД хезмәткәрләренә ике атна элек билгеле була.
Кияүгә әле август аенда гына чыккан ханымның ире белән мөнәсәбәтләре җайланмый.  ЗАГСка кадәр ир акчаны иркен тота: хатынны тулысынча тәэмин итеп тора, кафе-рестораннардан кайтып керми, театр, кинога чакырып тора. Ләкин өйләнешеп берникадәр вакыт узу белән ирне элекке яхшы эшеннән куалар.

Яр Чаллыда яшәүче Илһам Сибагатовны хатынын үтерергә теләгәне өчен 3 ел ярымга ирегеннән мәхрүм иткәннәр. Әлеге җинаять очрагы быелгы җәйдә булган.
Сибагатовларның күршеләре әйтүенчә, хатын чак кына үлемнән калган. Ире аңа үтерәм, – дип бер генә тапкыр янамаган. Күршеләре хатынга иреннән китәргә киңәш итсә дә, хатын китә алмаган, ире үз яныннан бер адымга да җибәрмәгән. Ниһаять, Илһамның хатыны кыюлыгын җыеп, иреннән аерылырга теләп, әнисе янына китеп баргач та, Илһам әле кайтуын үтенеп, әле яратуын белдереп һәм яхшыга үзгәрергә вәгъдә итеп, әле куркытып, янап шалтыратып торган.