Руслан Нигъмәтуллин: “Чаллыда мин беренче 93 сумымны эшләдем”
Россиянең җыелма футбол командасы голкиперы Руслан Нигъмәтуллин – Татарстанны дөньяга таныткан кешеләрнең берсе. Руслан озак еллар дәвамында Европаның иң яхшы капкачысы булып саналды. Зур спорттан киткәч, Русланның сәләтләре бөтенләй үзгә өлкәдә, музыкада ачылды. Ул хәзер Мәскәүнең затлы клубларында ди-джей буларак чыгыш ясый. Ике улына үрнәк әти булырга тырыша һәм буш вакытларында әнисе рецепты буенча өчпочмаклар пешерә.

Клуб җитәкчелеге аны тәртипсезлектә гаепли
“Ак Барс” бер көз эчендә ике тапкыр зур җәнҗаллар куптарган Дмитрий Обухов хезмәтләрендә башка мохтаҗ түгел”, – дип хәбәр итте хоккей клубы.
Хәтерләсәгез, әле күптән түгел генә аны Казан кызы Светлана Мамакованы көчләүдә гаепләгәннәр иде. Тора-бара тагын ике кыз: “Ул мине дә көчләде”, - дип белдерде.

Кытайда 26 нчы җәйге бөтендөнья студентлар бәйгесе тәмамланды. Димәк, хәзер Универсиада факелы Казанга юл тотачак. 2013 елда нәкъ менә безнең башкала өстендә халыкара ярышның уты кабызыла дигән сүз бу.
Әлеге бәйрәмнең Татарстан, гомумән, ил өчен нинди әһәмияткә ия булуын әйтеп тору урынсыз булыр. Чөнки бу хакта инде күп язылды һәм алга таба әле аның турында еш ишетергә туры килер. Тик менә медаль буенча Россия командасының яулыйсы үрләре алда әле. Зур аерма белән беренчелекне мәйдан хуҗалары – Кытай спортчыларына бирдек. Алар исәбендә — 75 алтын. Безнекеләр исә 42 алтын медаль белән икенче урында урнашты. Өчтә — 27 алтын яулаган Көньяк Корея командасы.

Ниһаять, хоккей буенча Россия җыелма командасының баш тренеры тирәсендә билгесезлек томаны таралды.  Казан “Ак Барс” командасы тренеры Зиннәтулла Биләлетдинов Россия җыелма хоккей командасының баш тренеры булды.
РФ Спорт, туристлык һәм яшьләр сәясәте министрлыгында Виталий Мутко, аның урынбасары Юрий Нагорный, Россия Хоккей федерациясе президенты Владислав Третьяк һәм Зиннәтулла Биләлетдинов катнашында эшлекле киңәшмә узды.

Ир-егетләрнең матур традицияләрен дәвам иттереп, “Динамо-Казан” хатын-кызлар волейбол клубы да Россия чемпионы исемен яулады. Хәзер Казанны илдә спорт башкаласы дип кенә түгел, ә волейбол башкаласы дип әйтергә дә тулы хокукыбыз бар. Чыннан да, республика җитәкчелеге тарафыннан шәһәрдә бу спорт төрен үстерү өчен соңгы елларда бик зур эш башкарылды.

Өченче ел рәттән Казан волейболчылары мактау пьедесталының иң югары баскычында! Дөресен генә әйткәндә, командаларыбыз чемпион исемен шулкадәр еш яулый башлады ки, хәзер титуллар артык эмоцияләр дә, тәүге җиңү вакытында кичергән хисләрне дә уятмый кебек. Юк, һич кенә дә “Зенит”ның мондый дәрәҗәгә ирешүе мактауга лаек түгел дип әйтеп булмый. Ләкин ул җанатарларның күңел түрендә “беренче” яки “кадерле” сүзләре урынына күбрәк “чираттагы” титул исемен йөртәдер.